ချန်ပီယံလိဂ် ဆီမီးဖိုင်နယ် အကြို သူတို့ စကားသံများ

ဘာစီလိုနာစတား လီယိုနယ်မက်ဆီကတော့ မန်ယူနဲ့ပွဲအတွက် အဆင်သင့်ဖြစ်နေပြီလို့ ပြောပါတယ်… ဒီအာဂျင်တီးနားသားလေးဟာ ဒူးဒဏ်ရာကြောင့် ငါးပတ်လောက် နားနေရာကနေ ပြီးခဲ့တဲ့ စနေ အက်စ်ပန်ညိုနဲ့ သရေကျတဲ့ပွဲမှာ သူဟာ ဒုတိယပိုင်းမှာ ပါဝင်ကစားခဲ့ပါတယ်… သူက "ပရိတ်သတ်တွေကတော့ ကျွန်တော်ဘာလုပ်နိုင်တယ်ဆိုတာကို ပြသဖို့အတွက် စောင့်မျှော်နေကြပါပြီ" လို့ စပိန်မီဒီယာတွေကို ပြောကြားခဲ့ပါတယ်… သူဟာ မန်ယူတောင်ပံကစားသမား စီရိုနယ်ဒို နဲ့ပတ်သက်ပြီး "သူကတော့ ဂရိတ်ပလေယာတစ်ယောက်ပါ… ဒါကိုပြီးခဲ့တဲ့ရာသီမှာလည်း ပြသခဲ့ပါတယ်… အခုရာသီမှာလည်း သူရဲ့သွင်းဂိုးတွေနဲ့ ပြသနေဆဲဖြစ်ပါတယ်… ဒါပေမယ့် ဒီပွဲက မန်ယူနဲ့ ဘာစီလိုနာ တို့ရဲ့ပြိုင်ပွဲပါ… သူနဲ့ ကျွန်တော့်ကြားက ပြိုင်ပွဲမဟုတ်ပါဘူး… ဒါဟာ အသင်းကြီးနှစ်သင်းရဲ့ ပြိုင်ပွဲပါ" ဆိုပြီး ပြောကြားခဲ့ပါတယ်။ပေါ်တူဂီစတားစီရိုနယ်ဒိုကတော့ မန်ယူအသင်းဟာ အကောင်းဆုံးအသင်းဆိုတာ သက်သေပြဖို့အတွက် ဘာစီလိုနာအသင်းကို အနိုင်ယူဖို့အတွက် ပစ်မှတ်ထားနေပါတယ်… ဒီရာသီမှာဆိုရင် ပြိုင်ပွဲအမျိုးမျိုးမှာ သွင်းဂိုး ၃၈ ဂိုး ထိ သွင်းယူထားနိုင်ပါတယ်… သူက "ဒီအဆင့်မှာဆိုရင် ဘယ်ပွဲကမှ မလွယ်ကူပါဘူး… ဘာမဆိုဖြစ်လာနိုင်ပါတယ်… ကျွန်တော်တို့ရဲ့ ရည်မှန်းချက်ကတော့ နူးကမ့်ကွင်းမှာ အကောင်းဆုံးရလဒ်ရဖို့ပါပဲ" လို့ ပြောကြားခဲ့ပါတယ်…