ပြီးတော့ မစန္ဒာက အလုပ်ကြိုးစားတယ်ဗျ… ဒီတော့ ကုမ္ပဏီသူဌေးက သူမရဲ့ အလုပ်ကြီးစားမှု၊ လုပ်ရည်ကိုင်ရည်နဲ့ တိုးတက်မှုတွေကို သဘောကျလာတယ်… သိပ်မကြာပါဘူး… မစန္ဒာ လခတိုးသွားတယ်… ၂ နှစ်လောက်ကြာတော့ ရာထူးတိုးတယ်… ငါးနှစ်လောက်လဲရောက်ရော လူငါးယောက်ရှိတဲ့ department ကိုကြီးကြပ်ရတဲ့သူတစ်ယောက် ဖြစ်လာရော…
ဒီလိုနဲ့ မစန္ဒာ အသက် ၃၀ လောက်ရောက်တော့ ပိုပြီးတော့ စိတ်လှုပ်ရှားစရာကောင်းတဲ့ အလုပ်တစ်ခုကို လိုချင်လာရော… နိုင်ငံခြားကို သွားချင်လာတဲ့စိတ် ဖြစ်လာတယ်ပေါ့ဗျာ… ဒါနဲ့ ကုမ္ပဏီကနေ အလုပ်ထွက်လိုက်ပြီး တစ်ခြားအလုပ်တစ်ခုပြောင်းရှာခဲ့တယ်… သိပ်မကြာပါဘူး… တစ်လလောက်ကြာတော့ အလုပ်တစ်ခုရခဲ့တယ်… ကံကလဲ ကောင်းတယ်ဗျ… ဒီခေတ်ကြီးမှာ အလုပ်တစ်ခုကို ဒီလောက်မြန်မြန်နဲ့ ရဖို့ဆိုတာ သိပ်လွယ်တာမဟုတ်ဘူး… အပေါင်းအသင်း၊ အဆက်အသွယ်ကြောင့်လဲ ပါတာပေါ့ဗျာ… အလုပ်ရတဲ့ကုမ္ပဏီက International ကုမ္ပဏီတစ်ခုမှာဗျ… အလုပ်ကလဲ နိုင်ငံခြားကို ခရီး တော်တော်များများ သွားရမယ်တဲ့… အစဆိုတော့ သူမလဲ ဒီလိုခရီးသွားရတာနဲ့ ပတ်သက်ပြီး အတော်လေးစိတ်လှုပ်ရှားမိတာပေါ့… ပြီးတော့ ခရီးထွက်ရတာကိုလဲ ကြိုက်တာပေါ့ (နိုင်ငံခြားကို သွားရတာဆိုတော့)…
ဒါပေမယ့်…ခြောက်လလောက်ကြာတော့ မစန္ဒာ ခရီးသွားရတာကို သိပ်မကြိုက်တော့ဘူး…ငြီးငွေ့လာတယ်။ နိုင်ငံရပ်ခြား ခရီးသွားတယ်ဆိုတာ တည်းတာက ဟော်တယ်မှာချည်းပဲ နေရတာဆိုတော့… တည်းမယ့်မြို့မှာ အမျိုးတွေ… သူငယ်ချင်းတွေရှိရင်တော့ တစ်မျိုးပေါ့လေ… ဒီလိုနဲ့ပဲ အလုပ်မှာ အမှားအယွင်းတွေ ဖြစ်လာတယ်… အလုပ်ကောင်းကောင်း မလုပ်နိုင်တော့ဘူး… တစ်နှစ်လောက်ကြာတော့ မစန္ဒာ အလုပ်ထုတ်ခံရတယ်… ဘဝဟာ အတော်လေး ခက်ခဲလာတာပေါ့… အလုပ်လက်မဲ့ ၉လလောက် ဖြစ်ပြီးတော့မှ စားသောက်ဆိုင်တစ်ခုရဲ့ မီးဖိုချောင်မှာ အချိန်ပိုင်းအလုပ်တစ်ခု ရတော့တယ်…
မစန္ဒာက စားသောက်ဆိုင်မှာ အလုပ်လုပ်ရတာကို အတော်လေး နှစ်ခြိုက်မိတယ်… အခုမှ သူမ လျှောက်လှမ်းရမယ့် ဘဝကို တွေ့လိုက်ရသလိုပါပဲ… အချက်အပြုတ်ကိုလည်း စိတ်ဝင်တစားနဲ့ သင်ဖြစ်တယ်… ၂နှစ်လောက်အကြာမှာတော့ အဲဒီစားသောက်ဆိုင်မှာ သူ့ခြေသူ့လက်ပဲ ဖြစ်လာတယ်… သူမဟာ စားသောက်ဆိုင်တစ်ဆိုင်ကို ဦးစီးအုပ်ချုပ်နိုင်လာတယ်… ဒီလိုနဲ့ ကိုယ်ပိုင်စားသောက်ဆိုင်လေးတစ်ဆိုင်ကို ဖွင့်ဖြစ်ခဲ့တယ်… တစ်နှစ်လောက်ကြာတော့ နောက်တစ်ဆိုင်… နှစ်၂၀လောက်ကြာတော့ စားသောက်ဆိုင်၁၀ဆိုင်ပိုင်ရှင်ဘဝကို ရောက်လာပါတော့တယ်…
No comments:
Post a Comment